Zaburi 130
Psalms 130 · Biblica® Open Kiswahili Contemporary Version 2015
1Kutoka vilindini ninakulilia, Ee Bwana. 2Ee Bwana, sikia sauti yangu.
Masikio yako na yawe masikivu
kwa kilio changu unihurumie. 3Kama wewe, Ee Bwana, ungeweka kumbukumbu ya dhambi,
Ee Bwana, ni nani angeliweza kusimama? 4Lakini kwako kuna msamaha,
kwa hiyo wewe unaogopwa. 5Namngojea Bwana, nafsi yangu inangojea,
katika neno lake naweka tumaini langu. 6Nafsi yangu inamngojea Bwana
kuliko walinzi waingojeavyo asubuhi,
naam, kuliko walinzi
waingojeavyo asubuhi. 7Ee Israeli, mtumaini Bwana,
maana kwa Bwana kuna upendo usiokoma,
na kwake kuna ukombozi kamili. 8Yeye mwenyewe ataikomboa Israeli
kutoka dhambi zao zote.
Swahili text and audio: Biblica® Open Kiswahili Contemporary Version™, made available under an open license by Biblica, Inc.