Yeremia 30:14
Jeremiah 30:14 · Biblica® Open Asante Twi Contemporary Bible 2020
Wʼapamfoɔ nyinaa werɛ afiri wo; wo ho biribiara mfa wɔn ho. Mabɔ wo sɛdeɛ wo ɔtamfoɔ bɛyɛ na matwe wʼaso sɛdeɛ otirimuɔdenfoɔ bɛtwe, ɛfiri sɛ wʼafɔdie so dodo na wʼamumuyɛ nso dɔɔso.
Jeremiah 30:14 in English
Jeremiah 30:14 · Berean Standard Bible
All your lovers have forgotten you; they no longer seek you, for I have struck you as an enemy would, with the discipline of someone cruel, because of your great iniquity and your numerous sins.
Context
12“Yei ne deɛ Awurade seɛ:
“ ‘Wo apirakuro ayɛ koankorɔ,
na ɛnni asaeɛ. 13Obiara nni hɔ a ɔbɛka bi ama wo,
wo kuro no rennya aduro,
na worennya ayaresa. 14Wʼapamfoɔ nyinaa werɛ afiri wo;
wo ho biribiara mfa wɔn ho.
Mabɔ wo sɛdeɛ wo ɔtamfoɔ bɛyɛ
na matwe wʼaso sɛdeɛ otirimuɔdenfoɔ bɛtwe,
ɛfiri sɛ wʼafɔdie so dodo
na wʼamumuyɛ nso dɔɔso. 15Adɛn enti na wosu denden wɔ wʼapirakuro ho,
wo yeadie a ano nni aduro ho?
Wʼafɔdie kɛseɛ ne wʼamumuyɛ bebrebe enti
na mede saa nneɛma yi ayɛ woɔ. 16“ ‘Nanso wɔbɛsɛe wɔn a wɔsɛe mo;
mo atamfoɔ nyinaa bɛkɔ nnommumfa mu.
Wɔn a wɔfom mo no, wɔbɛfom wɔn.
Wɔn a wɔto hyɛɛ mo so no, mɛto ahyɛ wɔn so.
Asante Twi text and audio: Biblica® Open Asante Twi Contemporary Bible™, made available under an open license by Biblica, Inc.