Yeremia 8:18
Jeremiah 8:18 · Biblica® Open Asante Twi Contemporary Bible 2020
Ao mʼawerɛhoɔ mu ɔwerɛkyekyefoɔ, mʼakoma aboto wɔ me mu.
Jeremiah 8:18 in English
Jeremiah 8:18 · Berean Standard Bible
My sorrow is beyond healing;* my heart is faint within me.
Context
16Wɔte atamfoɔ no apɔnkɔ homee
firi Dan;
na wɔn apɔnkɔnini su
ma asase no nyinaa woso.
Wɔaba sɛ wɔrebɛsɛe
asase no ne ɛso nneɛma nyinaa,
kuropɔn no ne wɔn a wɔtete mu nyinaa. 17“Hwɛ, mɛsoma awɔ a wɔn ano wɔ borɔ aba mo mu,
nhurutoa a wɔntumi nnwodwo wɔn,
na wɔbɛkeka mo,”
deɛ Awurade seɛ nie. 18Ao mʼawerɛhoɔ mu ɔwerɛkyekyefoɔ,
mʼakoma aboto wɔ me mu. 19Tie me nkurɔfoɔ sufrɛ
a ɛfiri akyirikyiri asase so:
“Awurade nni Sion anaa?
Ne Ɔhene no nni hɔ bio anaa?”
“Adɛn enti na wɔde wɔn nsɛsodeɛ ahyɛ me abufuo,
wɔn ananafoɔ ahoni huhuo no?” 20“Otwa berɛ no atwam,
ahuhuro berɛ no aba awieeɛ,
na wɔnnyee yɛn nkwa.”
Asante Twi text and audio: Biblica® Open Asante Twi Contemporary Bible™, made available under an open license by Biblica, Inc.