Jeremaya 9:19
Jeremiah 9:19 · Biblica® Open Igbo Contemporary Bible 2020
Olu ụzụ ịkwa akwa ka a nụrụ site na Zayọn ‘Lee ka anyị si laa nʼiyi! Lee ka ihe ihere anyị si dị ukwuu! Nʼihi na anyị hapụrụ ala anyị, nʼihi na ha etikpọsịala ebe obibi anyị niile.’ ”
Jeremiah 9:19 in English
Jeremiah 9:19 · Berean Standard Bible
For the sound of wailing is heard from Zion: ‘How devastated we are! How great is our shame! For we have abandoned the land because our dwellings have been torn down.’”
Context
17Otu a ka Onyenwe anyị, Onye pụrụ ime ihe niile kwuru,
“Tụgharịanụ uche unu ugbu a. Kpọọnụ ụmụ nwanyị ndị ọrụ ha bụ ịbụ abụ akwa.
E, zienụ ozi ka ndị ọkachamara nʼetiti ha bịa. 18Ha bịa ngwangwa
kwaa akwa nʼihi anyị,
tutu anya mmiri akwa ejupụta ha nʼanya,
tutu anya mmiri akwa esite anyị nʼanya na-asọda ruo na ntị anyị. 19Olu ụzụ ịkwa akwa ka a nụrụ site na Zayọn
‘Lee ka anyị si laa nʼiyi!
Lee ka ihe ihere anyị si dị ukwuu!
Nʼihi na anyị hapụrụ ala anyị,
nʼihi na ha etikpọsịala ebe obibi anyị niile.’ ” 20Ugbu a, nụrụnụ okwu Onyenwe anyị, unu ụmụ nwanyị,
megheenụ ntị unu nụrụ okwu si ya nʼọnụ.
Kuzierenụ ụmụ unu ndị inyom otu e si eti mkpu akwa,
kuziekwaranụ ibe unu abụ akwa. 21Nʼihi na ọnwụ abatala nʼetiti anyị, o si na oghereikuku niile nke ụlọ anyị
bata nʼebe niile e wusiri ike nke ala anyị.
O gbuola ụmụntakịrị ndị na-ejegharị nʼokporoụzọ,
gbukwaa ụmụ okorobịa ndị na-anọ nʼama.
Igbo text and audio: Biblica® Open Igbo Contemporary Bible™, made available under an open license by Biblica, Inc.