Jeremaya 2:28
Jeremiah 2:28 · Biblica® Open Igbo Contemporary Bible 2020
Olee ebe chi ndị ahụ i meere nye onwe gị nọ? Ka ha bịa, ma ọ bụrụ na ha nwere ike ịzọpụta gị, mgbe nsogbu bịakwasịrị unu. Nʼihi na gị, bụ Juda, nwere ọtụtụ chi dịka i si nwee ọtụtụ obodo.
Jeremiah 2:28 in English
Jeremiah 2:28 · Berean Standard Bible
But where are the gods you made for yourselves? Let them rise up in your time of trouble and save you if they can; for your gods are as numerous as your cities, O Judah.
Context
26“Dịka a na-eme onye ohi ihe ihere mgbe e jidere ya,
otu a ka a ga-eme ụlọ Izrel ihere,
ha onwe ha, ma ndị eze ha, ma ndịisi ha,
ndị nchụaja ha na ndị amụma ha. 27Ha na-asị osisi, ‘Nna m ka ị bụ,’
na-asịkwa nkume, ‘Ọ bụ gị mụrụ m.’
Ha agbakụtala m azụ,
jụ iche m ihu.
Ma mgbe ọbụla nsogbu bịakwasịrị ha, ha na-asị,
‘Bịa, zọpụta anyị.’ 28Olee ebe chi ndị ahụ i meere nye onwe gị nọ?
Ka ha bịa, ma ọ bụrụ na ha nwere ike ịzọpụta gị,
mgbe nsogbu bịakwasịrị unu.
Nʼihi na gị, bụ Juda, nwere ọtụtụ chi
dịka i si nwee ọtụtụ obodo. 29“Gịnị mere unu ji ekwu okwu ebubo megide m?
Unu niile enupula isi megide m,”
ka Onyenwe anyị kwupụtara. 30“Nʼefu ka m tiri ụmụ unu ihe;
ma nke a emeghị ka ha nabata ịdọ aka na ntị.
Dịka ọdụm na-adọgbu anụ,
mma agha unu eripịala ndị amụma unu.
Igbo text and audio: Biblica® Open Igbo Contemporary Bible™, made available under an open license by Biblica, Inc.