Sakaria 10:4
Zechariah 10:4 · Biblica® Open Asante Twi Contemporary Bible 2020
Tweatiboɔ bɛfiri Yuda mu, na ntomadan pɛɛwa bɛfiri hɔ, ɔsa mu tadua bɛfiri Yuda mu, na sodifoɔ nyinaa nso saa ara.
Zechariah 10:4 in English
Zechariah 10:4 · Berean Standard Bible
The cornerstone will come from Judah, the tent peg from him, as well as the battle bow and every ruler together.
Context
2Ahoni no ka nnaadaasɛm,
nkɔmhyɛfoɔ nya anisoadehunu a ɛyɛ atorɔ;
wɔde nkontomposɛm kyerɛ daeɛ ase,
wɔma awerɛkyekyerɛ kwa.
Enti nnipa no nenam te sɛ nnwan
a wɔnni ɔhwɛfoɔ na wɔhyɛ wɔn so. 3“Mebo afu nnwanhwɛfoɔ no yie,
na mɛtwe ntuanofoɔ no aso.
Na Asafo Awurade bɛhwɛ
ne nnwankuo a wɔyɛ Yuda fie no,
na wayɛ wɔn sɛ animuonyam pɔnkɔ wɔ ɔsa mu. 4Tweatiboɔ bɛfiri Yuda mu,
na ntomadan pɛɛwa bɛfiri hɔ,
ɔsa mu tadua bɛfiri Yuda mu,
na sodifoɔ nyinaa nso saa ara. 5Wɔbɛbɔ mu ayɛ sɛ nnɔmmarima
a wɔtiatia mmorɔno so atakyɛ mu wɔ ɔko mu.
Esiane sɛ Awurade ka wɔn ho no enti,
wɔbɛko na wɔadi apɔnkɔsotefoɔ no so. 6“Mɛhyɛ Yuda fie den
na magye Yosef fie no nkwa.
Mede wɔn bɛsi wɔn dada mu
ɛfiri sɛ me yam hyehye me wɔ wɔn ho.
Wɔbɛyɛ te sɛ deɛ
mempoo wɔn mpo,
na me ne Awurade wɔn Onyankopɔn
na mɛgye wɔn so.
Asante Twi text and audio: Biblica® Open Asante Twi Contemporary Bible™, made available under an open license by Biblica, Inc.