Yeremia 49:3
Jeremiah 49:3 · Biblica® Open Asante Twi Contemporary Bible 2020
“Twa adwo Ao, Hesbon, ɛfiri sɛ, wɔasɛe Ai! Monteam Ao, mo a mowɔ Raba! Momfira ayitoma na monni awerɛhoɔ; mommɔ nnyenyen wɔ afasuo no mu, ɛfiri sɛ Molek bɛkɔ nnommumfa mu, ɔne nʼasɔfoɔ ne nʼadwumayɛfoɔ.
Jeremiah 49:3 in English
Jeremiah 49:3 · Berean Standard Bible
Wail, O Heshbon, for Ai has been destroyed; cry out, O daughters of Rabbah! Put on sackcloth and mourn; run back and forth within your walls, for Milcom will go into exile together with his priests and officials.
Context
1Deɛ ɛfa Amonfoɔ ho no nie:
Yei ne deɛ Awurade seɛ:
“Israel nni mmammarima anaa?
Ɔnni wɔn a wɔbɛdi nʼadeɛ?
Ɛnneɛ adɛn enti na Molek afa Gad ayɛ ne dea yi?
Adɛn enti na ne nkurɔfoɔ tete ne nkuro mu? 2Nanso nna no reba,”
Awurade na ɔseɛ,
“a mɛbobom de afrɛ ɔko
atia Raba a ɛwɔ Amonfoɔ;
ɛbɛyɛ nkunkumaboɔ sie,
wɔbɛto nkuraaseɛ a atwa ne ho ahyia no mu ogya.
Na Israel bɛpamo wɔn a
wɔpamoo noɔ no,”
sei na Awurade seɛ. 3“Twa adwo Ao, Hesbon, ɛfiri sɛ, wɔasɛe Ai!
Monteam Ao, mo a mowɔ Raba!
Momfira ayitoma na monni awerɛhoɔ;
mommɔ nnyenyen wɔ afasuo no mu,
ɛfiri sɛ Molek bɛkɔ nnommumfa mu,
ɔne nʼasɔfoɔ ne nʼadwumayɛfoɔ. 4Adɛn enti na wode wo bɔnhwa ahodoɔ hoahoa wo ho?
Sɛdeɛ ɛso aba bebree enti anaa?
Ao ɔbabaa a ɔnni nokorɛ,
wode wo ho to wʼahonya so na woka sɛ,
‘Hwan na ɔbɛto ahyɛ me so?’ 5Mede ehu bɛba wo so;
ɛbɛfiri wɔn a wɔatwa wo ho ahyia no nyinaa,”
Awurade na ɔseɛ, Asafo Awurade no.
“Wɔbɛpam mo nyinaa,
na obiara remmoaboa akobɔfoɔ ano.
Asante Twi text and audio: Biblica® Open Asante Twi Contemporary Bible™, made available under an open license by Biblica, Inc.