Yeremia 49:29
Jeremiah 49:29 · Biblica® Open Asante Twi Contemporary Bible 2020
Wɔbɛfa wɔn ntomadan ne wɔn nnwankuo; wɔbɛfa wɔn nkatasoɔ, ne wɔn ho nneɛma ne nyoma akɔ. Nnipa bɛteateam sɛ, ‘Ehu wɔ baabiara!’
Jeremiah 49:29 in English
Jeremiah 49:29 · Berean Standard Bible
They will take their tents and flocks, their tent curtains and all their goods. They will take their camels for themselves. They will shout to them: ‘Terror is on every side!’
Context
27“Mede ogya bɛto Damasko afasuo mu;
na ɛbɛhye Ben-Hadad aban.” 28Deɛ ɛfa Kedar ne Hasor ahennie a Babiloniahene Nebukadnessar to hyɛɛ soɔ no nie.
Yei ne deɛ Awurade seɛ:
“Sɔre na kɔto hyɛ Kedar so
na sɛe nnipa a wɔwɔ apueeɛ fam no. 29Wɔbɛfa wɔn ntomadan ne wɔn nnwankuo;
wɔbɛfa wɔn nkatasoɔ,
ne wɔn ho nneɛma ne nyoma akɔ.
Nnipa bɛteateam sɛ,
‘Ehu wɔ baabiara!’ 30“Monnwane nkɔ ntɛm ntɛm!
Monhyehyɛ abodan a emu dɔ mu, mo a motete Hasor,”
Awurade na ɔseɛ.
“Babiloniahene Nebukadnessar apam mo tiri so;
wayɛ nhyehyɛeɛ a ɛtia mo. 31“Sɔre kɔto hyɛ ɔman bi so a woremmrɛ,
ɔman a wɔte ahotosoɔ mu,”
Awurade na ɔseɛ,
“ɔman a wɔnni apono anaa akwansideɛ,
na emu nnipa nko ara na wɔte hɔ.
Asante Twi text and audio: Biblica® Open Asante Twi Contemporary Bible™, made available under an open license by Biblica, Inc.