Yeremia 31:12
Jeremiah 31:12 · Biblica® Open Asante Twi Contemporary Bible 2020
Wɔbɛba na wɔde ahurisie ateam wɔ Sion sorɔnsorɔmmea; wɔbɛsɛpɛ wɔn ho wɔ akyɛdeɛ bebrebe a ɛfiri Awurade hɔ mu, atokoɔ, nsã foforɔ ne ngo, nnwammaa ne anantwie. Wɔbɛyɛ sɛ turo a wɔagugu so nsuo yie, na wɔrenni awerɛhoɔ bio.
Jeremiah 31:12 in English
Jeremiah 31:12 · Berean Standard Bible
They will come and shout for joy on the heights of Zion; they will be radiant over the bounty of the LORD— the grain, new wine, and oil, and the young of the flocks and herds. Their life will be like a well-watered garden, and never again will they languish.
Context
10“Montie Awurade asɛm, Ao amanaman;
mommɔ no dawuro wɔ mpoano nsase a ɛwɔ akyirikyiri so sɛ,
‘Deɛ ɔbɔɔ Israel peteeɛ no bɛboaboa wɔn ano
na wahwɛ ne nnwankuo so sɛ odwanhwɛfoɔ.’ 11Na Awurade bɛgyina mu ama Yakob
na wagye wɔn afiri wɔn a
wɔwɔ ahoɔden sene wɔn no nsam. 12Wɔbɛba na wɔde ahurisie ateam wɔ Sion sorɔnsorɔmmea;
wɔbɛsɛpɛ wɔn ho wɔ akyɛdeɛ bebrebe a
ɛfiri Awurade hɔ mu,
atokoɔ, nsã foforɔ ne ngo,
nnwammaa ne anantwie.
Wɔbɛyɛ sɛ turo a wɔagugu so nsuo yie,
na wɔrenni awerɛhoɔ bio. 13Afei, mmabaawa bɛsa na wɔn ani agye,
mmeranteɛ ne nkɔkoraa nso.
Mɛma wɔn awerɛhoɔ adane anigyeɛ;
mɛma wɔn ahotɔ ne ahosɛpɛ asi awerɛhoɔ anan mu. 14Mɛma asɔfoɔ no deɛ ɛhia wɔn ama abu so,
na mama mʼakyɛdeɛ bebrebe amee me nkurɔfoɔ,”
Awurade, na ɔseɛ.
Asante Twi text and audio: Biblica® Open Asante Twi Contemporary Bible™, made available under an open license by Biblica, Inc.