Yeremia 23:14
Jeremiah 23:14 · Biblica® Open Asante Twi Contemporary Bible 2020
Na Yerusalem adiyifoɔ mu no mahunu adeɛ a ɛyɛ hu: Wɔsɛe awadeɛ na wɔdi atorɔ. Wɔhyɛ wɔn a wɔyɛ bɔne no mpamuden, enti obiara nntwe ne ho mfiri nʼamumuyɛsɛm ho. Wɔn nyinaa te sɛ Sodom ma me; na Yerusalemfoɔ te sɛ Gomora.”
Jeremiah 23:14 in English
Jeremiah 23:14 · Berean Standard Bible
And among the prophets of Jerusalem I have seen a horrible thing: They commit adultery and walk in lies. They strengthen the hands of evildoers, so that no one turns his back on wickedness. They are all like Sodom to Me; the people of Jerusalem are like Gomorrah.”
Context
12“Ɛno enti, wɔn ɛkwan so bɛyɛ torotorotoro;
wɔbɛpam wɔn akɔ esum mu
na ɛhɔ na wɔbɛhwehwe ase.
Mede amanehunu bɛba wɔn so
wɔ afe a wɔbɛtwe wɔn aso mu no,”
Awurade na ɔseɛ. 13“Samaria adiyifoɔ mu no
mehunuu saa atantanneɛ yi:
Wɔde Baal hyɛɛ nkɔm
nam so maa me nkurɔfoɔ Israelfoɔ fom ɛkwan. 14Na Yerusalem adiyifoɔ mu no
mahunu adeɛ a ɛyɛ hu:
Wɔsɛe awadeɛ na wɔdi atorɔ.
Wɔhyɛ wɔn a wɔyɛ bɔne no mpamuden,
enti obiara nntwe ne ho mfiri nʼamumuyɛsɛm ho.
Wɔn nyinaa te sɛ Sodom ma me;
na Yerusalemfoɔ te sɛ Gomora.” 15Ɛno enti, yei ne deɛ Asafo Awurade seɛ fa adiyifoɔ no ho:
“Mema wɔadi aduane a ɛyɛ nwono
na wɔanom nsuo a awuduro wɔ mu,
ɛfiri sɛ Yerusalem adiyifoɔ enti,
abɔnefosɛm ahyɛ asase yi so ma.” 16Yei ne deɛ Asafo Awurade seɛ:
“Monntie nkɔm a adiyifoɔ no hyɛ kyerɛ mo;
wɔma mo nya anidasoɔ a ɛnni nnyinasoɔ.
Wɔbɔ wɔn tirim ka anisoadehunu,
a ɛmfiri Awurade anom.
Asante Twi text and audio: Biblica® Open Asante Twi Contemporary Bible™, made available under an open license by Biblica, Inc.