Yesaia 49:9
Isaiah 49:9 · Biblica® Open Asante Twi Contemporary Bible 2020
Wobɛka akyerɛ nneduafoɔ sɛ, ‘Momfiri mmra!’ ne wɔn a wɔwɔ esum mu sɛ, ‘Momfa mo ho nni!’ “Wɔbɛdidi wɔ akwan ho. Wɔbɛnya adidibea wɔ kokoɔ bonini biara so.
Isaiah 49:9 in English
Isaiah 49:9 · Berean Standard Bible
to say to the prisoners, ‘Come out,’ and to those in darkness, ‘Show yourselves.’ They will feed along the pathways, and find pasture on every barren hill.
Context
7Sei na Awurade seɛ,
Ɔgyefoɔ ne Israel Ɔkronkronni no
de asɛm yi kɔma deɛ ɔman no buu no animtia na wɔkyirii no,
deɛ ɔyɛ sodifoɔ ɔsomfoɔ no:
“Ahene bɛhunu wo na wɔasɔre
ahenemma bɛhunu wo na wɔakoto wo
ɛsiane Awurade a ɔyɛ nokwafoɔ,
Israel ɔkronkronni a wayi woɔ no enti.” 8Sei na Awurade seɛ:
“Ɛberɛ a ɛsɛ mu no, mɛbua wo,
na nkwagyeɛ da no, mɛboa wo;
mɛkora wo na mede wo ayɛ
apam ama nkurɔfoɔ no,
de agye asase no asi hɔ
akyekyɛ agyapadeɛ ahodoɔ a asɛe no bio. 9Wobɛka akyerɛ nneduafoɔ sɛ, ‘Momfiri mmra!’
ne wɔn a wɔwɔ esum mu sɛ, ‘Momfa mo ho nni!’
“Wɔbɛdidi wɔ akwan ho.
Wɔbɛnya adidibea wɔ kokoɔ bonini biara so. 10Ɛkɔm renne wɔn na osukɔm nso renne wɔn;
anweatam so hyeɛ ne owia ano hyeɛ renka wɔn.
Deɛ ɔwɔ ayamhyehyeɛ ma wɔn no bɛkyerɛ wɔn kwan
na ɔde wɔn akɔ nsutire ho. 11Mɛyɛ me mmepɔ nyinaa akwan,
na mʼakwantempɔn nso mɛma akorɔn.
Asante Twi text and audio: Biblica® Open Asante Twi Contemporary Bible™, made available under an open license by Biblica, Inc.