Yeremia 50:42
Jeremiah 50:42 · Biblica® Open Asante Twi Contemporary Bible 2020
Wɔkurakura bɛmma ne pea; wɔn tirim yɛ den, na wɔnni ahummɔborɔ. Wɔn nnyegyeeɛ te sɛ ɛpo a ɛrehuru soɔ. Sɛ wɔtete wɔn apɔnkɔ so a, wɔba sɛ mmarima a wɔrekɔ sa abɛto ahyɛ wo so, Ao Ɔbabaa Babilonia.
Jeremiah 50:42 in English
Jeremiah 50:42 · Berean Standard Bible
They grasp the bow and spear;* they are cruel and merciless. Their voice roars like the sea, and they ride upon horses, lined up like men in formation against you, O Daughter of Babylon.
Context
40Sɛdeɛ Onyankopɔn tuu Sodom ne Gomora
ne wɔn nkurotoɔ guiɛ no,”
Awurade na ɔseɛ,
“saa ara na obiara rentena hɔ;
onipa biara rentena mu. 41“Monhwɛ! Akodɔm bi firi atifi fam reba;
ɔman kɛseɛ ne ahemfo bebree,
wɔrehwanyane wɔn afiri nsase ano. 42Wɔkurakura bɛmma ne pea;
wɔn tirim yɛ den, na wɔnni ahummɔborɔ.
Wɔn nnyegyeeɛ te sɛ ɛpo a ɛrehuru soɔ.
Sɛ wɔtete wɔn apɔnkɔ so a,
wɔba sɛ mmarima a wɔrekɔ sa
abɛto ahyɛ wo so, Ao Ɔbabaa Babilonia. 43Babiloniahene ate wɔn ho nsɛm,
ne nsa sesa ne ho kwa.
Ahohiahia akyekyere no;
ɔyea a ɛte sɛ ɔbaa a ɔrekyem awoɔ so. 44Sɛdeɛ gyata a ɔfiri Yordan nkyɛkyerɛ mu
rekɔ adidibea frɔmfrɔm no,
saa ara na mɛtaa Babilonia so afiri nʼasase so wɔ ɛberɛ tiawa bi mu.
Hwan ne deɛ mayi no sɛ ɔnyɛ yei?
Hwan na ɔte sɛ me, na hwan na ɔbɛtumi ne me adi asie?
Na odwanhwɛfoɔ bɛn na ɔbɛtumi asɔre atia me?”
Asante Twi text and audio: Biblica® Open Asante Twi Contemporary Bible™, made available under an open license by Biblica, Inc.