Yesaia 53:3
Isaiah 53:3 · Biblica® Open Asante Twi Contemporary Bible 2020
Nnipa bɔɔ no ahohora na wɔpoo no, Ɔwerɛhoni a ɔnim ɔyea. Yɛdanee yɛn ani a yɛanhwɛ no mpo; wɔbuu no animtiaa na yɛn nso, yɛammu no.
Isaiah 53:3 in English
Isaiah 53:3 · Berean Standard Bible
He was despised and rejected by men, a man of sorrows, acquainted with grief. Like one from whom men hide their faces, He was despised, and we esteemed Him not.
Context
1Hwan na wagye yɛn asɛnka no adie,
na Awurade abasa no, hwan so na ada adie? 2Ɔnyinii wɔ nʼanim te sɛ dua mono ketewa bi,
te sɛ nhini a ɛfiri asase wesee mu.
Ɔnni ahoɔfɛ anaa animuonyam a ɛbɛtwetwe yɛn akɔ ne nkyɛn.
Na biribiara nni ne ho ɛbɛma yɛn ani agye ne ho. 3Nnipa bɔɔ no ahohora na wɔpoo no,
Ɔwerɛhoni a ɔnim ɔyea.
Yɛdanee yɛn ani a yɛanhwɛ no mpo;
wɔbuu no animtiaa na yɛn nso, yɛammu no. 4Ampa ara ɔfaa yɛn mmerɛyɛ,
na ɔsoaa yɛn awerɛhoɔ,
nanso yɛbuu no sɛ Onyankopɔn na watwe nʼaso.
Yebuu no sɛ Onyankopɔn na wabɔ no na wadwerɛ no. 5Nanso, yɛn mmarato enti na wɔpiraa noɔ,
yɛn amumuyɛ enti na wɔdwerɛɛ no;
asotwe a ɛde asomdwoeɛ brɛɛ yɛn no daa no so,
na nʼapirakuro mu na yɛnya ayaresa.
Asante Twi text and audio: Biblica® Open Asante Twi Contemporary Bible™, made available under an open license by Biblica, Inc.