Micah 3:7 · Biblica® Open Asante Twi Contemporary Bible 2020
Adepɛmuhunufoɔ ani bɛwu na wɔbɛgu nsamanfrɛfoɔ anim ase. Wɔn nyinaa bɛkatakata wɔn anim, ɛfiri sɛ mmuaeɛ biara mfiri Onyankopɔn hɔ mma.”
Micah 3:7 in English
Micah 3:7 · Berean Standard Bible
Then the seers will be ashamed and the diviners will be disgraced. They will all cover their mouths because there is no answer from God.”
Context
5Deɛ Awurade seɛ nie:
“Adiyifoɔ a
wɔdaadaa me nkurɔfoɔ no deɛ,
obi ma wɔn biribi di a
wɔpae mu ka asomdwoeɛ nsɛm,
na sɛ wɔamma wɔn biribi anni a,
adiyifoɔ no siesie wɔn ho sɛ wɔbɛtu wɔn so sa. 6Enti adeɛ bɛsa mo a morennya anisoadehunu,
esum bɛduru mo a morennya ahintasɛm biara.
Owia bɛtɔ ama adiyifoɔ no,
na adekyeɛ bɛdane esum ama wɔn. 7Adepɛmuhunufoɔ ani bɛwu
na wɔbɛgu nsamanfrɛfoɔ anim ase.
Wɔn nyinaa bɛkatakata wɔn anim,
ɛfiri sɛ mmuaeɛ biara mfiri Onyankopɔn hɔ mma.” 8Nanso me deɛ tumi ahyɛ me ma,
Awurade Honhom ahyɛ me ma
tenenee ne ahoɔden
a mede bɛpae mu aka
Yakob amumuyɛ ne Israel bɔne. 9Montie, mo Yakob efie ntuanofoɔ,
mo a moyɛ Israel sodifoɔ,
a mokyiri atɛntenenee
na mokyea deɛ ɛtene nyinaa;
Asante Twi text and audio: Biblica® Open Asante Twi Contemporary Bible™, made available under an open license by Biblica, Inc.